[Үйлдвэрлэлийн ослын нөхөн төлбөр олгох тухай зааварчилгаа: Хэрэв та ажлын байран дээрээ бэртэж гэмтсэн бол дороох агуулгатай заавал уншиж танилцана уу!]

1. Үйлдвэрлэлийн ослын нөхөн төлбөрийг хөдөлмөр эрхэлж буй бүх хүн авах боломжтой.

• Энэ нь нэгээс дээш ажилтантай ажлын байранд хамаарна. Ажил олгогч энэхүү даатгалд хамрагдаагүй байсан ч осол гарахад автоматаар даатгалд хамрагдах бөгөөд ингэснээр нөхөн төлбөр авах боломж бүрдэнэ.
• Визний бүртгэлгүй иргэдийн хувьд ч солонгос ажилчдын адил энэхүү даатгалаас тэтгэмж авах боломжтой.
• (Таван хүнээс цөөнгүй байнгын ажилтантай хөдөө аж ахуй, ойн аж ахуй, загас агнуур, ан агнуурын чиглэлийн байгуулгууд (мод бэлтгэхээс бусад)н хувьд зайлшгүй хамрагдах даатгалын төрөл биш болохыг анхаарна уу.)

1. Үйлдвэрлэлийн ослыг нөхөн төлбөрийг нэхэмжлэх явад ажил олгогчийн талын зөвшөөрөл шаардлагагүй.

• Осол гарсан тохиолдолд ажилтан ажлын байрны харьяалал бүхий Солонгосын Ажилчдын нөхөн олговрын албанд өргөдөлөө ажилчин гаргана. Ажил олгогч ажилтны өргөдөлд гарын үсэг зурах, тамга дарахаас татгалзсан ч өргөдөлийг хүлээн авах боломжтой.

1. Дараах тохиолдолдлуудад нөхөн төлбөр авах боломжтой.

• Нөхөн төлбөрийг ажил явагдах үеэс гадна ажилдаа ирэх, буцах үеийн осол, мэргэжлээс шалтгаалсан өвчин гэх мэт шалтгааны улмаас 4 ба түүнээс дээш хоног эмчилгээ шаардлагатай , мөн нас барсан тохиолдлуудад тус тус нөхөн төлбөр гаргуулан авна.

1. Үйлдвэрлэлийн осол нь мөн гэдгийг хүлээн зөвшөөрөгдсөн тохиолдолд авах голлох нөхөн төлбөрийн хэлбэрүүд

• Эмнэлгийн тусламж үйлчилгээний тэтгэмж: Эмнэлгийн төлбөр, мэс заслын төлбөр, эмийн зардал зэрэг эмчилгээний зардлыг бүрэн хамруулна.
• Түр хугацааны хөдөлмөрийн чадвар алдалтын тэтгэмж: Эмчилгээний улмаас ажиллах боломжгүй хугацаанд дундаж цалингийн 70%-ийг олгоно (хөдөлмөрийн хөлсний доод хэмжээнээс бага бол хөдөлмөрийн хөлсний доод хэмжээгээр баталгаажна).
• Хөгжлийн бэрхшээлээс үүдэх тэтгэмж: Эмчилгээ дууссаны дараа хэвийнээр ажиллах боломжгүй, хөгжлийн бэрхшээл бие мах бодид учирсан тохиолдолд хөдөлмөрийн чадвар алдалтын зэрэглэлийн дагуу тэтгэмжийг олгоно.
• Иргэний нөхөн төлбөр: Үйлдвэрлэлийн ослын нөхөн төлбөрөөс гадна байгуулгын буруугаас хохирсон тохиолдолд хохирлын нөхөн төлбөрийг тусад нь нэхэмжлэх боломжтой.

1. Хугацаа алдахаасаа өмнө нэхэмлэл хийхээ мартуузай. (Хугацаа хэтэрсэн тохиолдолд хүчингүйд тооцно)

• Эмнэлгийн тусламж үйлчилгээ болон түр зуурын хөдөлмөрийн чадвар алдалтын тэтгэмж: Осол гарсан өдрөөс хойш 3 жилийн дотор
• Хөгжлийн бэрхшээл, тэжээгчээ алдагчийн тэтгэмж, оршуулгын зардал: Осол гарсан өдрөөс (эсвэл баталгаажсан өдрөөс) хойш 5 жилийн дотор
• Дээрх хугацаа хэтэрсэн тохиолдолд нэхэмжлэл хийх боломжгүй болох тул аль болох богино хугацаанд нэхэмжлэл хийх нь тустай.